LUGO, 10 (EUROPA PRESS)
O presidente da Xunta, Alfonso Rueda, destacou este venres en Paradela (Lugo) o esforzo das administracións locais e os veciños para construir unha Galicia con futuro.
Foi durante unha visita ao municipio, polos actos celebrados con motivo da clausura do Bicentenario do Concello de Paradela, coa que colaborou o Goberno galego.
Así mesmo, Rueda recoñeceu a historia desta localidade e o “desvelo” dos seus habitantes, que impulsaron diferentes actividades para recuperar o seu pasado, como a exposición ‘Do tempo de luces’, reivindicar o seu presente, coa actividade para mozas ‘A Paradela’ e sementar o seu futuro.
Ademais, o titular do Goberno autonómico garantiu a colaboración da Xunta para satisfacer as necesidades dos veciños, especialmente aquelas relacionadas coa dinamización do rural.
No caso de Paradela, as liñas actuais céntranse na atención aos maiores, a través das prazas públicas no centro de día e na residencia municipal; favorecer a conciliación, coa ‘casa neno’ no concello, e tamén en reverter a tendencia demográfica e devolverlle a vida ás zonas rurais, co plan de incorporación de xente nova ás actividades agrarias.
- Te recomendamos -
