A Consellería do Medio Rural quintuplicou nos últimos seis anos o orzamento destinado á mellora da sanidade forestal. Así, pasouse de algo máis de 858.000 euros en 2013 a 4,3 millóns de euros no 2018, para loitar contra enfermidades e pragas como o gorgullo do eucalipto, a avespiña e o chancro do castiñeiro ou a procesionaria do piñeiro, entre outras.
Así o destacou o director xeral de Ordenación Forestal, Tomás Fernández-Couto, na inauguración esta mañá da II Xornada de silvicultores sobre pragas e enfermidades forestais, que ten lugar no teatro da Beneficencia de Ortigueira.
- Te recomendamos -
