A conselleira de Medio Ambiente, Territorio e Vivenda visitou esta mañá o CPR Plurilingüe Cervantes para comunicarlle aos alumnos a colaboración da Xunta de Galicia para que poidan asistir a neste evento o vindeiro ano
Galicia estará representada na vindeira edición do Campus mundial sobre o cambio climático, que se celebrará en San José de Costa Rica en abril de 2019, grazas a un proxecto sobre o cambio climático do CPR Plurilingüe Cervantes, de Lugo. A conselleira de Medio Ambiente, Territorio e Vivenda, Ángeles Vázquez, visitou esta mañá as instalacións do centro de ensinanza Infantil e Primaria para comunicarlles que a Consellería de Medio Ambiente colaborará nos gastos desta viaxe para catro dos alumnos participantes nesta iniciativa.Ángeles Vázquez felicitounos polo esforzo e traballo realizado na presentación sobre a educación ambiental no colexio, que deixou sorprendidos aos participantes do Campus celebrado en Aveiro en setembro, que os alzou como o único centro de Primaria que participou neste foro internacional, e sobre todo foi a orixe desta nova experiencia que viviredes coa participación no campus mundial de Costa Rica o vindeiro ano.
O proxecto deste alumnado consistíu na elaboración dun vídeo para sensibilizar sobre a necesidade de manter unha posición activa e poñer en marcha medidas que mitiguen o cambio climático. A conselleira destacou o esforzo dos alumnos por trasladar unha mensaxe importante, dun xeito ameno e sinxelo pero moi directo, como “coidar o planeta, o paciente global da sociedade”; poñendo o foco na necesidade de actuar con urxencia. A conselleira indicou que este traballo foi recoñecido coa máxima puntuación por un comité científico avaliador, que permitiu aos rapaces a participar no Campus de Aveiro, a pesares de que non era un encontro pensado para estudantes de primaria.
A conselleira destacou que a futura experiencia que vivirán en Costas Rica é un premio e recoñecemento ao traballo e dedicación que levan cabo a prol da conservación do medio ambiente, que constitúe un exemplo e referencia non só para os vosos compañeiros de colexio, senón para toda a comunidade escolar e educativa de Galicia.
Indicou que a implicación deste centro no coidado e respecto polo medio ambiente, así como a filosofía de traballo “aprender a aprender”, é unha máxima que cada día comparten máis individuos da sociedade, polo que é un exemplo para seguir dentro e fóra das aulas.
Un plan de estudos “verde”A conselleira Vázquez salientou o grado de implicación do seu plan de estudos coa responsabilidade social, centrado especialmente no coñecemento dos dereitos humanos e o respecto ao medio ambiente e á natureza; “un plan de estudos verde sobre a ecoloxía e o medio ambiente que fomenta a educación ambiental dende os primeiros anos de escolaridade”.
Grazas a este plan tedes un contacto directo coa loita contra o cambio climático e o que cada persoa pode facer no seu día a día; co fomento por un consumo eficiente e eficaz da enerxía, tanto no centro educativo como nas vosas casas, adquirindo coñecementos sobre as enerxías limpas e os seus múltiples beneficios; a biodiversidade e o amplo patrimonio natural co que conta Galicia, e sobretodo aprender a conservalo e a protexelo; e a xestión dos residuos que se xeran cada día, sendo conscientes da cantidade diaria que cada un de nós produce e como se pode reducir, así como reutilizalos e reciclalos.
- Te recomendamos -
