A delegada territorial da Xunta en Ourense, Marisol Díaz Mouteira, asistiu hoxe á xornada lúdica organizada polo Centro de Educación Especial (CEE) ‘Miño’ para pór fin ao curso escolar. Díaz Mouteira acompañada da xefa territorial da Consellería de Cultura, Educación e Ordenación Universitaria, Luz Fernández Quintas, compartiu co alumnado deste centro, emprazado na localidade de Velle, a ledicia de rematar o curso participando en diversos xogos e actividades.
O CEE Miño, único destas características da provincia, ofrece ensinanzas dirixidas o alumnado con necesidades específicas de apoio educativo, rexéndose por os principios de normalización e inclusión. Este ano académico que agora remata cursaron neste centro un total de 31 alumnos.
- Te recomendamos -
