A súa difusión hoxe no DOG supón o comezo da fase preliminar da revisión e actualización dos estudos que integran a planificación hidrolóxica vixente
A Consellería de Infraestruturas e Mobilidade, a través de Augas de Galicia, inicia a revisión da planificación hidrolóxica da Demarcación hidrográfica Galicia-Costa, abrindo o proceso de participación pública coa publicación hoxe no Diario Oficial de Galicia dos documentos iniciais para o novo ciclo 2021-2027. No seguinte enlace pode consultarse toda a información: https://bit.ly/2q0veud A planificación hidrolóxica é a ferramenta esencial que fai posible as políticas de xestión da auga, e a publicación hoxe no DOG dos documentos iniciais supón o comezo da fase preliminar da revisión e actualización de todos os estudos e documentación que integran a planificación hidrolóxica vixente ata o ano 2021, cara o novo ciclo 2021-2027.
Nesta etapa preliminar defínese o programa de traballo que se seguirá durante o proceso de revisión que culminará coa aprobación dun novo Plan Hidrolóxico Galicia- Costa. Indica o calendario sobre as fases de elaboración do plan, a actualización do estudo xeral da demarcación hidrográfica de Galicia-Costa así como as fórmulas que se utilizarán no novo ciclo para potenciar a información, consulta pública e participación activa de todos os usuarios.
Co desenvolvemento do Plan hidrolóxico, que se configura como un plan dinámico, en base á propia variabilidade do medio hídrico, a Xunta segue as directrices europeas da Directiva Marco da Auga, que establece que cada 6 años se revisarán os plans de cuenca.
Partindo do Plan Hidrolóxico vixente, nos documentos iniciais avánzanse algunhas das actualizacións fundamentais que recollerá o novo Plan. Máis en concreto, a primeira actualizacións do inventario de presións que soportan as augas para a posterior avaliación das repercusións da actividade humana, así como unha primeira valoración do cumprimento dos obxectivos medioambientais das masas de auga no período 2014-2016.
Tamén trata a caracterización socioeconómica dos usos e servizos da auga en Galicia-Costa, co obxectivo de determinar o nivel de recuperación de custos dos servizos relacionados coa auga, e amosa o proxecto de participación pública deseñado para involucrar á cidadanía na xestión dos recursos hídricos da Demarcación.
Tal e como publica o DOG hoxe, estes documentos poden ser consultados durante os próximos 6 meses, para a presentación de cantas consideracións ou aportacións se consideren necesarias por parte de toda a cidadanía. O obxectivo é potenciar a participación activa no proceso planificación, de xeito que como resultado final de todo o proceso, se acade un plan hidrolóxico consensuado e que responda ás necesidades de todos.
Neste eido, e como parte do proxecto de participación pública, cada unha das distintas fases do plan terá o seu propio proceso de consulta, que será ampliado co obxectivo de alcanzar unha participación activa real, por medio de reunións sectoriais, talleres abertos e iniciativas de participación vía web.
Unha vez concluída esta etapa preliminar, Augas de Galicia dará comezo á primeira fase do ciclo, coa elaboración do esquema de temas en materia de xestión das augas na Demarcación Hidrográfica de Galicia-Costa. Posteriormente a segunda fase consistirá na redacción do borrador do Plan hidrolóxico da Demarcación hidrográfica Galicia Costa 2021-2027,que deberá estar aprobado antes do 21 de decembro de 2021.
- Te recomendamos -
