A secretaria xeral da Igualdade aclarou, en reposta parlamentaria, que o groso das axudas teñen por obxecto apoiar o CIM da localidade e que, desde o ano 2015, o Concello non solicita axudas para os programas de tratamento integral para a violencia de xénero e para o programa de fomento da conciliación
A Secretaría Xeral da Igualdade achegou, desde o ano 2009, máis de 460.000 euros para financiar distintas accións e programas de apoio en materia de promoción da igualdade e prevención da violencia de xénero, prevención da violencia de xénero e mantemento do CIM.
Así o explicou esta mañá a Secretaria Xeral da Igualdade, Susana López Abella, en resposta a unha pregunta formulada a este respecto na Comisión 5ª de Sanidade, Política Social e Emprego do Parlamento de Galicia.
O groso destas axudas tivo por obxecto financiar o programa de apoio ao centro de información ás mulleres (CIM) que xestiona o Concello de Monforte de Lemos en solicitude agrupada xunto aos municipios de Bóveda, Pantón, A Pobra de Brollón, O Saviñao e Sober.
Tamén explicou que desde o ano 2015 o Concello de Monforte de Lemos non solicita subvención para o programa de fomento da conciliación, nin para o programa de prevención e tratamento integral da violencia de xénero. Estes dous programas forman parte da convocatoria conxunta que cada ano pon en marcha a Secretaría Xeral da Igualdade.
Funcionamento do CIM de MonforteLópez Abella tamén avanzou que o Centro de Información á Muller de Monforte de Lemos acreditouse o 17 de marzo de 2005 e que actualmente traballan nel unha Directora e Asesora Xurídica, unha asesora psicoloxica, e unha axente de Igualdade.
Durante o ano 2017 o CIM recibiu 1.571 consultas e atendeu a 173 mulleres. Neste primeiro semestre de 2018, o CIM de Monforte recibiu 804 consultas e atendeu a 140 mulleres.
A importancia do ámbito municipalO ámbito municipal é recoñecido como o idóneo para o desenvolvemento de accións tendentes a garantir a igualdade entre mulleres e homes pola súa proximidade á cidadanía e polo coñecemento da situación específica da súa poboación. De aí a importancia de contar cos concellos galegos para impulsar estas iniciativas e, en particular as dirixidas á prevención e a erradicación da violencia de xénero, así como para o establecemento das condicións que posibiliten a participación das mulleres na vida política, económica, cultural e social.
- Te recomendamos -
