Os propietarios deberán acudir o vindeiro luns 16 de maio á oficina municipal do recinto feiral de Curtis, de 10 ás 11 horas
A Consellería de Infraestruturas e Vivenda publica hoxe no Diario Oficial de Galicia (DOG) o convocatoria do pago dos depósitos previos aos titulares dos terreos afectados pola obras de construción dunha glorieta no cruce do Empalme, na estrada AC-840, en Curtis, para realizar o levantamento de actas previas.
O acto de formalización das actas de ocupación terán lugar o vindeiro luns 16 de abril. Os titulares dos terreos afectados deberán acudir entre as 10 e 11 horas á oficina municipal do Recinto Feiral de Curtis, na rúa Emilia Pardo Bazán, s/n. Esta actuación, que se licitou recentemente, comezará no verán co fin de executar unha glorieta na travesía de Curtis, transformando a intersección existente no punto quilométrico 21+900 da estrada AC-840 para mellorar a súa seguridade viaria.
O proxecto suporá un investimento da Administración autonómica próximo aos 240.000 euros, aos que deberán engadirse os 8.822 euros nos que se estima inicialmente o custo das expropiacións, que afectan a 13 fincas.
Na actualidade, nese punto existe unha intersección en cruz que conta cunha visibilidade bastante reducida por mor da proximidade dun cambio de rasante, polo que a súa transformación en glorieta permitirá calmar o tráfico e permitir os xiros na estrada en condicións máis seguras.
A actuación complementa á obra que actualmente está a executar a Xunta de construción dunha senda na marxe dereita da AC-840, no tramo comprendido entre o Pq 20+145 (en Alto da Espeniña) e o 21+880 (intersección coa estrada autonómica AC-230 en Curtis), e na que se prevé mellorar outra intersección próxima, o cruce coa estrada ao cemiterio (Pq 21+240). Esta obra, que conta cun orzamento próximo a 500.000 euros estará finalizada nesta primavera.
A convocatoria pode consultarse no DOG, https://bit.ly/2ISXPcD.
- Te recomendamos -
