A conselleira de Medio Ambiente, Territorio e Vivenda mantiveron unha reunión co presidente do Consello Regulador de Agricultura Ecolóxica de Galicia, na que coincidiron nas oportunidades que ofrecen as iniciativas que equilibran a conservación do medio e o fomento do emprego nas zonas rurais
A conselleira de Medio Ambiente, Territorio e Vivenda, Ángeles Vázquez, e o presidente do Consello Regulador de Agricultura Ecolóxica de Galicia (Craega), Francisco López Valladares, mantiveron hoxe unha reunión de traballo na que analizaron a posibilidade de establecer canles de colaboración entre ambos organismos para levar adiante iniciativas de dinamización nas zonas naturais e protexidas de Galicia.
A conselleira de Medio Ambiente destacou o potencial das entidades que están adheridas a Craega, xa que son produtores que buscan conseguir alimentos da máxima calidade, facer un uso óptimo dos recursos naturais, ao tempo que respectan o medio ambiente, combinando a súa actividade produtora coa conservación da fertilidade do solo e evitando o uso de produtos químicos.
Vazquez Mejuto sinalou que atoparán na Consellería de Medio Ambiente un aliado para levar adiante iniciativas que potencien o equilibrio entre a conservación dos recursos naturais e os valores ambientais e a xeración emprego e oportunidades nas zonas rurais de Galicia.
- Te recomendamos -
