Os traballos dispoñen dun prazo de execución de 2 meses e prevén actuar ao longo dos 3,4 km do tramo de estrada de titularidade autonómica
A Consellería de Infraestruturas e Mobilidade inicia hoxe as obras de reforzo de firme na travesía de Bamio, no tramo da estrada de titularidade autonómica PO-192 (Bamio-PO-548), no Concello de Vilagarcía de Arousa, cun investimento de máis de 48.000 euros.
Os traballos que se poñen en marcha dispoñen dun prazo de execución de 2 meses e prevén actuar ao longo dos 3,4 km desta estrada, entre os puntos quilométricos 0+440 a 3+880, dentro do termo municipal.
A intervención do departamento de Infraestruturas da Xunta nesta estrada enmárcase dentro das actuacións que executa para a mellora da seguridade viaria, e neste caso o proxecto ten por obxectivo incrementar a resistencia do firme, dado que se teñen detectados na zona accidentes en forma de saída de vía.
Estas obras serán executadas pola empresa Microasfalt, S.
L.
U e inclúen a mellora da capa de rodadura e o pintado do eixe da calzada da estrada, así como a reposición da sinalización horizontal afectada pola intervención, completándose a mesma co fresado e reposición do pavimento nos lugares necesarios.
A Consellería de Infraestruturas e Mobilidade continúa traballando na mellora de rede viaria autonómica co obxectivo de proporcionar unhas estradas cómodas e seguras e potenciar o desenvolvemento económico e social dos municipios galegos.
- Te recomendamos -
