No que vai de ano a Policía Autonómica leva investigadas un total de 39 persoas como presuntas autoras de incendios forestais
Axentes da Xefatura da Policía Autonómica de Santiago de Compostela, en colaboración co persoal do Distrito Forestal III-Santiago Meseta, tomaron declaración como investigado ao presunto autor dun incendio forestal ocorrido en Santiago de Compostela.
O lume tivo lugar o pasado 2 de setembro na parroquia de Santa María da Peregrina no concello de Santiago de Compostela, no que arderon 0,05 hectáreas de raso. O lume iniciouse por mor do lanzamento de artefactos pirotécnicos, sendo necesaria a presenza e labor do servizos de extinción de incendios da Xunta de Galicia.
No que vai de ano a Policía Autonómica leva investigadas un total de 39 persoas como presuntas autoras de incendios forestais.
- Te recomendamos -
